23 ғинуар шәмбе көн булыуына ҡарамаҫтан,уҡыу йортобоҙ балаларҙың шат тауышынан гөр килеп торҙо. 7-9 -сы кластар ПРОФ БАТТЛ тигән һөнәри йүнәлештәге бәйгелә ҡатнашты.5 өлөштән(эштән) торған сара бик ҡыҙыу барҙы,уҡыусыларыбыҙ үҙҙәрен төрлө өлкәлә һынап ҡаранылар. Ғөмүмән,бик файҙалы һәм мауыҡтырғыс конкурс булды.

2021 йыл республикабыҙҙа Сәләмәтлек һәм әүҙем оҙон ғүмерлелек йылы тип иғлан ителде.Ошо йәһәттән гимназиябыҙҙа төрлө саралар башланды ла инде. Үткән шәмбелә уҙған Һаулыҡ көнө шуға асыҡ миҫал.Сарала 1-6 -сы класс уҡыусылары һәм уларҙың ата -әсәйҙәре әүҙем ҡатнашты.Башланғыстар өсөн спорт залында "Күңелле старттар"ойошторолһа, 5-6-сы кластар рәхәтләнеп саңғыла йөрөнө.