06.05.2020
Беҙҙең гимназия –интернатта тәрбиә эше яҡшы ҡуйылған. Һәр тәрбиәүи сара көслө йөкмәткеле була. Балаларға бирелгән тәрбиә орлоҡтары, улар гимназиянан сығып киткәс тә үҙ емештәрен бирһен өсөн эшләнелә ул. Әле беҙ балалар менән дистанцион уҡыуҙабыҙ. Тәрбиәүи эш тә, уҡыу менән бер рәттән барыуын дауам итә. Балалар бөгөнгө көндә төрлө конкурстарҙа, Еңеүҙең 75 йыллығына арналған марафонда дистанцион рәүештә ҡатнашыуын дауам итә.
Беҙ етенсе класс уҡыусылары менән Еңеүҙең 75 йыллығына ҡарата “Үлемһеҙ полк” исемле фильм ҡараныҡ. Класс менән билдәле бер ваҡытта фильмды ҡарап, үҙ фекерҙәребеҙҙе ватсаптағы группабыҙ аша белдерҙек. “Мин иланым, апай!”, “Көслө малай, нисек ҡурҡманы икән?”, ” Йәлләүес”,
” 22 июнь таңын Брест крепосында ҡаршылаусылар - бөтәһе лә батырҙар“, ,,Һуғыш булмаһын!!!” тип яҙҙы уҡыусылар. Был эскерһеҙ, ҡыҫҡа ғына һөйләмдәрҙән, фильмдың балаларға көслө тәьҫир итеүе күренде.
Һәр ваҡыт булһын тыныслыҡ! Балаларға һуғыш тигән фажиғәне фильмдарҙа ғына ҡарарға ҡалһын!
Просмотров всего: , сегодня:
Дата создания: 07.05.2020
Дата обновления: 07.05.2020
Дата публикации: 06.05.2020