Бөгөн көн бик матур. Тышта аяҡ аҫтында ҡар шыгырлай, эргәлә турғайҙар сыбырлаша. Ошо матур көндө 5 класс уҡыусылары ҡырға саф һауала саңғыла йөрөргә сыҡтылар. Саңғыла йөрөү бик күңелле булды. Аяҡ аҫтында ап аҡ ҡар, тирә яҡта йәнлектәр эҙҙәре, биттәр алланды, күңелдэр күтәрелде.

"Тағараҡ эшлә – ҡоштарҙы ашат!” Иҫәнғол башҡорт гимназия-интернатының 1-се класс уҡыусылары “Ҡанатлы дуҫтар” республика бәйгеһенең “Тағараҡ эшлә – ҡоштарҙы ашат!” номинацияһында ҡатнашырға ҡарар иттеләр. Ата-әсәләре менән берлектә улар ҡоштар ашханаһы эшләнеләр һәм биҙәнеләр.

Бөгөн, 2 ғинуар,"Тирә -яҡ мөхитте һаҡлау көнө"нә арнап,4-се класс уҡыусылары класс етәкселәре менән "Ҡоштар-беҙҙең дуҫтар " темаһына онлайн -викторина үткәрҙеләр.Балаларҙың беҙҙең яҡ ҡоштары тураһындағы белемдәрен тәрәнәйтеү,ҡоштарға ярҙам итеү,тәбиғәткә һөйөү тәрбиәләү маҡсатынан ,уҡыусыларға төрлө ҡыҙыҡлы һорауҙар бирелде.Улар һүрәттәр төшөрҙөләр,йомаҡтар систеләр. Шулай уҡ тағараҡтар эшләү һәм ҡуйыу акцияһында ҡатнаштылар.

1 ғинуар гимназияның спортзалында физкультура уҡытыусыһы Хәсәнов Й.Й. башланғыс класс уҡыусылары өсөн ярыш үткәрҙе. “Күңелле старттар” балаларға бик оҡшаны, улар күтәренке кәйеф менән өйҙәренә таралды.