Иҫәнғол ауылы башҡорт гимназия-интернатында Башҡорт теле йылын йомғаҡлау саралары планына ярашлы "Илен һөймәҫ кенә телен һөймәҫ,иле юҡтың ғына теле юҡ" темаһына ижади эштәр конкурсы ойошторолдо. Был конкурста уҡыусылар бик әүҙем ҡатнаштылар. Урындар түбәндәгесә билдәләнде.9Б һәм 10-сы кластар араһында Галина Азалия - I урын, Нурисламов Илдар, Ғафарова Раушания- II урын, Йылҡыбаева Айзидә, Урманбәтова Гөлфинә, Ураҡаев Ильяс, Бикбаева Әҙилә - III урын. Афарин, уҡыусылар!

Башҡортостандың халыҡ шағиры Рауил Бикбаевҡа һәм Башҡорт теле көнөнә арналған «Бикбай уҡыуҙары» төбәк-ара ғилми-ғәмәли конференцияһында "Мин башҡорт балаһы..." номинацияһында Иҫәнғол ауылы башҡорт гимназия-интернатының башҡорт теле һәм әҙәбиәте уҡытыусыһы Исмәғилева Гөлбаныу Ирек ҡыҙы уҡытыусылар араһында 1-се урын яулауны. Афарин, яңынан -яңы үрҙәр һеҙгә!

Башҡортостандың халыҡ шағиры Рауил Бикбаҽвтың тормош,ижад юлына арналған 1-сҽ рҽгион - ара ғилми - ғәмәли конфҽрҽнцияла 6 - сы б класс уҡыусыһы Мөлөкова Самира ( ҽтәксҽһҽ - Дәүләтбаҽва К.М.) " "Аҡ ҡағыҙ битҽнән элҽк Аҡ ҡарға төшә йырым" тигән буктрҽйлҽры мҽнән 3 - сө урын алды. Афарин! Артабан да уңыштар һиңә, Самира!

"Башҡорт теле йылы" сиктәрендә үткәрелгән сараларға гимназияның 6-сы А класы уҡыусылары ихлас ҡушылдылар. Улар "Туған тел"исемле диктант яҙып, 100% өлгәш күрһәттеләр. Диктант яҙыу барышында балалар " туған телеңде белеү - халҡыңдың тарихын, мәҙәниәтен, йолаларын белеү ул" тигән хәҡиҡәткә тағы бер тапҡыр инандылар. Телде тәләфләмәй генә һаҡлау һәм йәшәтеү бурысы киләһе быуындарҙың иңенә һалына икәнен яҡшы аңлаған уҡыусылар уҡый был класта.Афарин!

Башҡортостан Республикаһы Башлығы Радий Хәбиров указы менән 2020 йыл Башҡорт теле йылы тип иғлан ителде. Шулай уҡ 2019 йылдан алып 14 декабрь рәсми рәүештә Башҡорт теле көнө тип билдәләнә. Был көн башҡорт халҡының бөйөк улы Мифтахетдин Аҡмулланың тыуған көнөнә тап килеп билдәләнеүе ҙур әһәмиәткә эйә. Уның исемен Өфөлә Башҡорт дәүләт педагоигя университеты ла йөрөтә. Уҙған йылға йомғаҡ яһап, университет 11-12 декабрҙә “Аҡмулла диктант”ы уҙғара. Диктант үҙ эсенә 30 тест һорауын индерә: Аҡмулланың тормошо, ижады тураһында 10 һорау, уның замандаштары тураһында 10 һорау һәм башҡорт теле тураһында 10 һорау. Диктантта ҡатнашыу шарттары тураһында тулы мәғлүмәтhttps://bashdict.ru сайтында бирелгән һәм сарала ҡатнашыу өсөн дә ошо рәсми сайтҡа инеү талап ителә. #БашҡортТеле2020

5 - сҽ класс уҡыусылары Башҡорт тҽлҽ көнөнә арналған диктантта әүҙем ҡатнашты. Диктантты башҡорт тҽлҽ һәм әҙәбиәтҽ уҡытыусыһы Дәүләтбаҽва Клара Мырҙағәлҽ ҡыҙы яҙҙыра.

Бөгөн гимназияла шәп осрашыу үтте. Был осрашыуҙы "Аманат"тың баш мөхәррир урынбаҫары Рәзил Бикбулатов үткәрҙе. Балалар "Аманат"тың тарихы һәм бөгөнгөһө тураһында ҡыҙығып тыңланы. Журнал үткәргән конкурстар хаҡында мәғлүмәт уҡыусыларҙың күңелен үтә ныҡ яуланы.

Башҡорт теле йылы сиктәрендә республикабыҙҙа бик күп саралар үтә. Шуларҙың береһе - Башҡортостандан сыҡҡан совет дипломаты К.Хәкимовтың тыуыуына 130 йыл тулыу айҡанлы үткәрелгән интернет-викторина. Был викторинала республикабыҙ белем усаҡтарының бик күп уҡыусылары ҡатнашты. Беҙҙең гимназияның 10-сы класынан 7 уҡыусы (Йылҡыбаева А., Ғафарова Р., Насырова Г., Нурисламов И., Рахманғолов К., Сабитов А., Урманбәтова Г.), 6-сы А класынан Йылҡыбаев Искәндәр ҡатнашып, сертификатҡа эйә булдылар, ә 7-се класс уҡыусыһы Дәүләтбаев Фидан - призер. Ул юғары һөҙөмтәләр күрһәткәне өсөн Мәғариф министрлығының Дипломына лайыҡ булды. Афарин, уҡыусылар!

Гимназияның китапханаһында Башҡорт теле йылына арналған "Тел халыҡтың рухи йәшәйеше һәм киләсәге" исемле сара үтте. Уҡыусылар Башҡорт теле тарихы,уның үҙенсәлектәре тураһында мәғлүмәт алды. Бөйөк тә, бай ҙа, яғымлы ла башҡорт теле тураһында шиғырҙар яңғыраны сарала. Гимназия уҡыусылары туған те буйынса белемдәрен дә күрһәтте. Викторина һорауҙарына тулы, матур яуаптар биргән уҡыусылар бүләкләнде.

Башҡорт халҡының тарихына, мәҙәниәтенә ҡыҙыҡһыныу тәрбиәләүгә, башҡорт теле һәм әҙәбиәтен популярлаштырыуға йүнәлтелгән "Туған тел илселәре" республика акцияһы сиктәрендә видео-дәрестәр серияһы әҙерләнде. Баш.easy порталында виртуаль башҡорт теле кабинеты булдырылған. Унда онлайн-дәрестәр: аудио һәм видеочаттар, өйрәтеүсе контент урынлаштырылған. Дәрестәрҙе республика мәктәптәренең алдынғы башҡорт теле уҡытыусылары алып барҙы. Беҙҙең гимназияның башҡорт теле һәм әҙәбиәте уҡытыусыһы Дәүләтбаева К.М. ошо акцияла ҡатнашып Башҡортостан Республикаһы Мәғариф министрлығының Рәхмәт хатына лайыҡ булды. Ҡотлайбыҙ! Артабан да уңыштар теләйбеҙ!

Гимназия,район этабында ҽңҽүсҽ булып,рҽспублика Гагарин олимпиадаһында Айгүзәл Мөхәмәтйәнова (9-сы кл),Гүзәлиә Ваһапова ( 8 - сҽ кл) башҡорт теленән призёр булдылар.Етәксҽләрҽ - башҡорт тҽлҽ һәм әҙәбиәтҽ уҡытыусыһы Дәүләтбаҽва Клара Мырҙағәлҽ ҡыҙы.Айгүзәл Мөхәмәтйәнова Өфө ҡалаһына ҡотлау тантанаһына барҙы.Уҡыусы һәм ҽтәксҽһҽ диплом,миҙал,ҡиммәтлҽ бүләктәр мҽнән бүләкләндҽләр!Ҙур ҽңҽүҙәрҽ мҽнән ихлас ҡотлайбыҙ!Артабан да тик уңыштар ғына тҽләйбҽҙ!

Ғафури районында урынлашҡан Красноусол шифаханаһында башҡорт теле һәм әҙәбиәтенән төбәк-ара форумды ябыу тантанаһында гимназияның башҡорт теле һәм әҙәбиәте уҡытыусыһы Исмәғилева Гөлбаныу Ирек ҡыҙы юғары наградаға лайыҡ булды. Башҡортостан Республикаһы башлығы Радий Фәрит улы Хәбиров уны белем биреү өлкәһендәге күп йыллыҡ өлгөлө хеҙмәте һәм башҡорт телен, мәҙәниәтен, башҡорт халҡының йолаларын һаҡлауға ҙур өлөш индергәне өсөн Рәхмәт хаты менән бүләкләне.

24 – 25 сентябрҙә Ғафури районында урынлашҡан Красноусол шифаханаһына республикабыҙҙың төрлө тарафтарынан башҡорт теле һәм әҙәбиәтенән төбәк-ара форумға уҡытыусылар йыйылды.

Иҫәнғол башҡорт гимназия -интернатында"11 сентябрь -милли кейем көнөнә"арналған Берҙәм класс сәғәттәре уҙҙы.Был саранан бер кем дә ситтә ҡалманы, бөтәһе13 класс ҡатнашты.

Иҫәнғол башҡорт гимназия – интернаты коллективы #Башҡорт теленән халыҡ – ара онлайн диктантта# дәррәү ҡатнашты

Бөгөн Башҡортостанда Милли кейем көнө билдәләнә. Ошо уңайҙан башҡорт гимназия-интернатында онлайн-дәрестәр үткәрелде. Был дәрестәрҙә уҡыусылар ҙур теләк менән ҡатнашты.

“Аманат” журналы Мостай Кәрим исемендәге фонд менән берлектә Башҡортостандың халыҡ шағиры Мостай Кәримдең тыуыуына 100 йыл тулыуға арналған шиғриәт һәм сәсмә әҫәрҙәр конкурстары иғлан иткәйне.

21 февралдә Йылайыр районының мәҙәниәт һарайында күренекле шағир Шәйехзада Бабичтың 125 йыллыҡ юбилейына арналған район-ара шиғри бәйге булды. БДУ-ның Стәрлетамаҡ филиалы менән Йылайыр районы үткәргән ҙур шиғриәт байрамда Ейәнсура, Хәйбулла, Баймаҡ, Әбйәлил, Бөрйән, Йылайыр райондары ҡатнашты.

Берләшкән милләттәр ойошмаһы тарафынан 21 февраль - халыҡ-ара туған телдәр көнө башҡорт теле һәм әҙәбиәте уҡытыусыһы Г.И. Исмәғилева менән тәрбиәсе З.И. Дәүләтбакова етәкселегендә 5-се һәм 6-сы класс уҡыусылары балалар китапханаһында үткән «Туған телемде яратам» исемле сараға саҡырылды.

11.02.2020й.Иҫәнғол ауылы башҡорт гимназия - интернаты уҡыусылары Баймаҡ ҡалаһында үткәрелгән "Башҡортостан ынйылары"республика конкурсының зональ этабында 3- сө урын яуланы. Ә 9-сы класс уҡыусыһы Арыҫланов Айгиз "Ролде иң оҫта башҡарыусы"номинацияһында еңеүсе булды. "Аҫылташ"төркөмө (етәкселәре Ҡунысбаева Нурия Мөхтәр ҡыҙы, Солтанова Рәмилә Айытбай ҡыҙы) билдәле дәүләт эшмәкәре, тел белгесе Мстислав Ҡулаев тураһында тамаша күрһәтте. Уҡыусыларыбыҙ менән ғорурланабыҙ!