Иҫәнғол башҡорт гимназия - интернатында ойошторолған сара ,ысынында, рух, моң байрамы булды. Башҡортостандың Яҙыусылар союзы рәйесе, Дәүләт Йыйылышы - Ҡоролтай депутаты Зәки Әлибаев, шағирә Лариса Абдуллина, "Башҡортостан"гәзите хеҙмәткәре Айгөл Йәмилева менән осрашыу - үҙе бер оло кинәнес. Уҡыусылар өсөн викторина һорауҙары үткәрелде, бүләктәр тапшырылды. Ә инде уҡыусылар, үҙ сиратында, мәртәбәле ҡунаҡтарға моңло йырҙарын, дәртле бейеүҙәрен, үҙҙәре ижад иткән шиғырҙарҙы бүләк иттеләр. Был йәнле аралашыу бик әһәмиәтле, күңелдәрҙә тик яҡшы хәтирәләр генә ҡалдырҙы.