Ошо көндәрҙә китапхана һәм яңы килгән китаптар менән танышыу маҡсатында М. С. Бураҡаева исемендәге Башҡорт гимназия - интернатының 2-се класс уҡыусылары класс етәксеһе Исакаева Э. К. менән балалар китапханаһында булдылар. Китапханасы Гөлнара Сәғәҙәт ҡыҙы уҡыусыларға яңы китаптарҙы күрһәтте, китапханаға яҙылыу ҡағиҙәләре тураһында һөйләне. Шулай уҡ уҡыусылар йыл әйләнәһенә эшләп килгән китап күргәҙмәһе менән таныштылар.
Балалар өйҙә уҡыр өсөн үҙҙәренә оҡшаған китаптар яҙҙырып алдылар. Был фәһемле осрашыу уҡыусыларға бик оҡшаны.