Мәрйәм Бураҡаева исемендәге Башҡорт гимназия-интернатында, "Йәйләү" көндөҙгө ял һәм һауыҡтырыу лагерында, бөгөн лагерҙы ябыу тантанаһы уҙҙы. Уҡыусылар "Урал батыр" эпосынан өҙөк сәхнәләштерҙе. Был өҙөктә уҡыусыларға ата-бабаларҙан ҡалған илебеҙҙе, һыуыбыҙҙы, еребеҙҙе ҡәҙерләргә, уны гөл-баҡсаға әйләндереп, киләһе быуынға ла еткереү хәстәрен күреү күҙалланды. Ата-әсәйһеҙ генә түгел, илһеҙ ҡалыу ҙа етемлек...
Тимәк, Тыуған илебеҙҙе һаҡлау, киләсәк быуындарға тапшырыу, беҙҙең быуындың изге бурысы.