"Йәйләү" профилле лагерь балалары өсөн һәр көн иҫтәлекле ваҡиғаларға бай.

Бөгөн гимназистар «Йәншишмә» гәзитенең баш мөхәррире Мирсәйет Ғүмәр улы Юнысов менән осрашты. Гәзит тураһында, уның алдағы көндәргә пландары тураһында һөйләне ҡунағыбыҙ. Һәм сығышы аҙағында уҡыусыларҙы "Йәншишмә" гәзитен алдырырға, "Урал батыр" васыятын тотоп, "Йәншишмәнән" һыу эсергә, рухлы, көслө булырға саҡырҙы.
Осрашыу аҙағында Мирсәйет Ғүмәр улы балаларҙың сығыштарын ҡараны, "Аманат" этнопедагогика музейы менән танышты. Музейҙың йәш экскурсоводтарының сығышына һоҡланыуын белдерҙе. "Йәйләү" профилле лагерь уҡыусыларының тормошо менән ҡыҙыҡһынды, илһөйәр,телһөйәр балаларҙы тәрбиәләүсе йәйге ял лагерына уңыштар теләне.
Уҡыусыларҙың ғәҙәттәге көнө тыпырҙаҡ, күмәк бейеү менән тамамланды.