Мәрйәм Бураҡаева исемендәге Башҡорт гимназия-интернатында Диҡҡәт Бураҡаевтың "Мөғжизәләр донъяһына сәйәхәт" китабы буйынса 7-се "А" һәм "Б", 8-се кластар араһында китап уҡыусылар конференцияһы үтте. Был конференция "Урал батыр" мәктәбе сиктәрендә ойошторолдо. Бөйөк эпосыбыҙҙың "Күккә менер баҫҡысһыҙ" йүнәлешендә үткән был сара ҡыҙыҡлы ла, мауыҡтырғыс та булды. Китаптағы ғилми терминдар һәм Урал батыр эпосындағы фекерҙәр бер-береһенә үрелеп барған һымаҡ тигән уйҙар әйтелде. Йәнле лә, фәһемле лә был сара бер тында үтеп китте.