15.06.2020
Рәсәй Мәғариф министрлығында белдереүҙәренсә, Быйыл белем тураһында документты туғыҙынсы кластарға — Дәүләт йомғаҡлау аттестацияһы, ә ун беренселәргә Берҙәм дәүләт имтиханы һөҙөмтәләренән тыш бирергә хәл ителде.
Премьер-министр Михаил Мишустин тейешле ҡарарға ҡул ҡуйҙы.
Документҡа ярашлы:
— быйыл Дәүләт йомғаҡлау аттестацияһы уҡыусыларҙың ағымдағы билдәләре йомғаҡтары буйынса уҙғарыла, был 9-сы һәм 11-се кластарҙа аттестат тапшырыу өсөн нигеҙ булып тора;
— Берҙәм дәүләт имтиханын юғары уҡыу йортона инергә йыйынғандар ғына бирергә тейеш;
Гимназияны быйыл 23 туғыҙынсы синыф һәм 15 бала ун беренсене тамамлай.
Туғыҙынсы синыфтан 3 уҡыусының - Йылҡыбаева Айзида, Илбаева Минзәлә, Сабитов Алмаздың аттестатын шау биштәр биҙәй.
Берҙәм дәүләт имтиханы һөҙөмтәләренең ниндәй булыуына ҡарамайынса, аттестатында тик бишле билдәләре булған ун беренсе класс уҡыусылары Ишмөхәмәтова Яҙгөл, Хантимерова Земфира, Солтанғужина Алтынай, Ғафарова Айгүзәлгә «Уҡыуҙағы уңыштары өсөн» миҙалы тапшырылды.
Уҡыусыларға уңыштар, хыялдарының тормошҡа ашыуын теләйбеҙ!
Просмотров всего: , сегодня:
Дата создания: 16.06.2020
Дата обновления: 16.06.2020
Дата публикации: 15.06.2020